عم اتخايلك بكير * طانيوس أندراوس

Tanios Andraos shared his post.

Tanios Andraos

عم اتخايلك بكير
 

عم تحلمي بأمير
 

غفياني
 

خدودك من الخجل
 

عم بتصير
 

بلون الورد
 

وتفاح لبناني
 

وشعرك الناعم
 

من هوا الشباك
 

عم بيطير
 

ويرجع يغط ع صدرك
 

ويغفى متل 
 

طفل زغير
 

سبحان مين عطاك
 

جمال رباني
 

ولمن شق الفجر
 

وجهجه الضو
 

وفلو ل نواطير
 

وصارت كل الدني
 

دفياني
 

سرق منك حلم
 

حلو كتير
 

وفتحت عيونك
 

النعساني
 

شرق منها نور
 

قوي كتير
 

وجسمك لهيب ونار
 

ولعاني
 

شرقت الشمس
 

وشافت شو عم بيصير
 

ومن دفا نورها 
 

عرقت خجلاني
 

قررت تغيب وتنطفي بكير
 

وتشلح تيابها
 

وتتحول قمر بالليل
 

سهراني
 

 

ـــــــــــــــــــــــــــــــ
 

طانيوس أندراوس

٢٠١٦/٧/٢٦