همسه
همسه حب تمر علينا
نلاقى الفرحه ملك ايدينا
والنرجس ويا الازهار كله بيرقص من حوالينا
حتى طيور الحب كمان بتصبحنا وتمسينا
همسه رقيقه وفيها دلال تشعل نار الهوى جوايا
فيها رقه وفيها جمال فيها الفرحه وانتى معايا
همسه بتسرى فى الاوصال فيها راحتى وفيها دوايا
حتى الشوق لو جاء يتعبنا يلاقى ارواحنا متحدين
يتركنا ف حالنا ويسيبنا اصل احنا احباب عاشقين
انا وحبيبى راضيين بنصيبنا بدقه عشق مابين قلبين
همسه تخلى قلوبنا بتفرح بكل سعاده وكل امان
كل كلامنا حب مايجرح مافيه غدر ولا احزان
دايما فى عيونك انا باسرح حتى الرمش ساحر قتان
ليه نتعذب بالحرمان ليه وحياه العشق رقيقه
نسمه تروى عاشق ظمأن وتفرحه مع كل دقيقه
يلا ياعشاق انتو كمان عيشوا حياه الحب حقيقه
شعر احمد اسماعيل \شاعر العرب
ليست هناك تعليقات:
إرسال تعليق