علا سبيتي تكتب (( حوار زجلي ... أيام الولدنة ))

حوار زجلي...ايام الولدنة

صلي يا حلوي صلاتك غير مقبولي
وبغير محراب عشقي ما فيكي تصلي
لو تبقي كل النهار تتعبدي وتصومي
ملائكة العشق عنها رح تفلي
بدك رضاي لتنقبل هالهمسات
ولازم وراي متل الامام تكبري وتهلي

قالت...

صلاتي مقبولة بكل الصفات
وهمساتي خشوع ونسماتها فلي
ولو بصلاتي بتلخبط بالسجود وبالركوع
لو بدي بطل صلاة وراك ما بصلي
لا ترمي علي همسات شيطانك
وبقل هو ايات عم عطر نهاري وليلي
قال

بسمتي انت سرها..
وانت عطر ياسميني وفلي
ومرايتك ما بتكذب هالمراية
انت الحلا وانا وراك رح صلي
انت الف ليلة وليلة بقاموس حبي
ويا ريت كل يوم تحكيلي حكاية
تاغفى بحضن القمر واسهى ونام
ويا ريت ابد ما تخلص عالحكاية...

قالت..

حيرتني يا شيخ الشباب
ساعة بحبك وساعة مغرورة
اما بتكتبني بكتاب مفتوح
واما بتمحي من قلبك الصورة

قال
بيلبقلك لغرور واكتر منها الولدنة
مش عيب لو صرنا كبار نعيد الولدنة
ولو منرجع منحبي بارض الديار
ولعبة الحب نلعبها ببرائة وولدنة
وصرخة امي وبعدها الجار
ضبي ولادك يا عيب الشوم
شو صاير بالحب غرقانة الدني
وبوسة بريئة..ولعبة عريس وعروس
شفتي شو حلوة ذكريات الصبا
ويا ريت تنعاد ايام الولدني
...همسات جنوبية...علا سبيتي..