(بلوك على الفيس بوك )
ممكن اعرف
تعرف ايه
اسمك سنك
وده من ايه
اصلي بحبك
بتحبني ليه
شوفتك كاتبه
البوست في مرة
اول عيني
ما جات في عينيه
حسيت ان
القصد عليا
قلت ساعتها
وهسكت ليه
انت سيادتك
شارب حاجة ؟؟
شارب ميه
من التلاجة ....
التلاجة دي تبقي
في دمك
يالا يا بابا
روح عندك امك
انتي بتقفشي
جامد ليه ؟؟
قلبي بيرقص
حتي شوفيه
بص يا باشا
باقولك ايه
فكك مني ......
وأفكني ليه ؟
انتي في قلبي
وقافلة عليه
افرش جسمي
ودوسي عليه
مالك ساكته
ما بترديش ليه؟؟
جاتلي رسالة
باللون الاحمر
ان رسالتي
ممنوعة توصل
عملتي بلوك
يا بنت الايه
هو انا بس
غلطت في ايه
قلت بحبك
طب فيها ايه
عاملة بلوك
وظالماني ليه
بس امانة لما تفكي
اقري سؤالي وردي عليه
هو انا فعلا فتي أحلامك
ولا فيه غيري بتحبيه ؟
ليست هناك تعليقات:
إرسال تعليق