من أشعارى
( أفهمها بقا )
أكتر من كده محتاج تلميح
طب أمتى امال تفهمها بقا
دا الحب ماهوش محتاج توضيح
والشوق بتشوفو فى كل لقا
أفهمها بقا
أفهمها بنظرة بال مشغول
أوغيرة قلب عليك على طول
من امتى الحب اساسه كلام
دا كفايه اماره توضح دول
باحتار وباغير ولا فيش تغيير
وتعبت من التلميح دا كتير
مع انه يفسر لك تفسير
على اني بحبك متعلقه
أفهمها بقا
الحب اللى انا فتحت عليه
لو شوفت عيونى اوام تلاقيه
وازاى ما عرفتش يا حبيبي
مع انى ما فيش مره باخبيه
ايام بتروح وسنين بتفوت
والقلب معاك بيدوب فى سكوت
أفتحلى القلب ،، ولو بشروط
أنا روح بتحب ومتشوقه
وافهمها بقا
ليست هناك تعليقات:
إرسال تعليق