حب وحرب
اليوم رميت الحذر
مديت ايدي عالقمر
صحِّيت نورو عالشجر
و لمست شعراتو
مسكت ايدو ودرت
ورقَصت حتى دخت
كان الوقت ظُهر
وكل العالم ظَهر
وانا غفلت جواتو
كانت لحظة من عمر
ثوانيها قول سحر
ذقت شهدو و العسل
قول خمر قول سَكَر
و ما صحتني اهاتو
عشت من بعدها بذكرة
موعدنا بالضبط كان بكرة
اجا وراح الف بكرة
والوطن تشرد عبكرة
و قلبي صاح بدقاتو
لقيت حبي بالحرب
وعشت حبي بالحرب
وقلوبنا ما فاتها الحقد
لكن حروب الفتح
خطفت بسماتو
خربشات على جدار وطن منهك خطف قلوبنا وخطف احبابنا حولنا الى قطع حطب واعطانا ارقام بلا شواهد الف اسم لسبب موتنا
وكل الاسباب لقهرنا
لكننا سنبقى نحب
خربشات على فراش مهمل
بقلمي: احسان ابوهدير
ليست هناك تعليقات:
إرسال تعليق