**** {{{ #إعمل_لأخرتك }}} ***
......
*
*
ياللى رايح للميعاد
خد معاك التقوى ذاد
خلى ليك لو كلمة حلوة
يفتكرك بيها العباد
.
سيبك من لم الفلوس
سيب لو ذكرى ف النفوس
تترحم عليك ف البعاد
.
م انت ياما أخدت ياما
وأكلت مال اليتامى
لا عملت حساب للقيامة
ولا وقفة رب العباد
.
فاكر يوم م قتلت أخوك
والشيطان وراك سراب
شيلت جتة إبن ابوك
جاهل دفنه ف التراب
ياللى الملايكة كرموك
جه علمك حتة غراب
.
قولت آه وألف آه
ع اللى عاش أسير هواه
واللى قلبه زاد آساه
واللى اتشبع من غباه
وزوده بجهل وعناد
.
ولما خلصت الحكاية
وقربت منه النهاية
يجرى يسدد ف الديون
يبكى وبدمع العيون
لو حتى عنده مال قارون
مش راح ياخد شئ معاه
.
ولما خلصت القضية
والجسم نزل الورية
أهله حيبكوا عليه شوية
وبعد فترة أخوه نساه
.
آآآآه يا أدم آه يا حوا
أنا قلبى إتقطع بقوة
على بشر من غير مروة
لما الموت جه نداه
معملش حساب للحساب
يومها حيصرخ م العذاب
يا ريتنى كنت ف يوم تراب
*
.
.
بقلم /مدحت يوسف
.
ليست هناك تعليقات:
إرسال تعليق