حط نفسك مكانى كلمات اسامة فؤاد حنا
حط نفسك مكانى
وبلاش تعيش انانى
وهبتك كل حياتى
وبخلت عليه بثوانى
ما تيجى نبدل اماكننا
وننسى اواجعنا واحزاننا
ونعيش مع بعض الفرحة
ونرجع تانى زى ما كنا
اديتك كل عمرى
وراعيت فيك ربى
مش ممكن ابدا انسى
يوم ما جرحت قلبى
خبيتك جوه عينيه
وكنت بتقسى عليه
واتارينى كنت لعبة
وانت بتلعب بيه
عشت فى مرارة وحيرة
وسهرت ليالى كتيرة
دموعى على خدى
وليالى الفكر طويلة
معملتليش ابدا خاطر
تملى تعاند وتكابر
وانت اللى ابتديت
خليك دايما فاكر
كنت خايفة لاخسرك
لو كنت ناسى افكرك
انت اللى هجرتنى
ع العموم انا بشكرك
خسارة عمرى راح
فى حزن والم جراح
القلب اللى كان متعذب
ف بعدك خلاص ارتاح
قلبى اللى سكنت فيه
هارميه وادوس عليه
وجرحك اللى لسه بينزف
الزمن كفيل يداوي
