حياة الحر للمر
مش بس رمز و رسم لوحات الجمال
زينة لعين محب و آيات الكمال
قيد الحياة المرّ يطغي للفنا
سجن الفكر و القلب يتقطع وصال
خلقنا سوى احرار بجنان الهنا
الله مابين تنين نقّاني انا
عطيتك حيا و سرار ماعنها غنا
لفحة عطر بالروح و نعومة و دلال
شو عطيتني بحتار غير البهدلة
والنور عني حجبت و الدنية الي
طفحان كيلي صار بالعرق الاسير
دم الوفا و العف لهاك المرجلة
شو ضاق عمري فيك وفكار البلي
يللي طعنت الروح بالغيرة و حسد
لو فاق فكري عليك وداري المنتلي
قيدك لأكسر غيظ حرة للابد
اني مابعد الرب بالخلق انوجد
وعمري وروحي عطيت بالفرح انولد
بعدو ربيعي ورود بالعطر مليان
بركة و نعم والنور بحشائي انعبد
رامز عيد
١١/٠٨/٢٠١٦
وافر التقدير و فائق الاحترام لمملكة الياسيمن الأدبية على نشر شعري المتواضع بين طيات صفحاتها الراقية و اخص بالشكر و الامتنان الاستاذ الانيق Ahmed Mirza
ردحذف