( قتلوا حبيبتي )
قتلوا حبيبتي عذبوها
وجرحوها و دبحوها
علشان تسيبني
قتلوها لاجل ما ينسوها
حبي واسمي
طيب وكل ده ليه
علشان انا بحبها
وهيفيد بس بإيه
تبعدوا قلبها عني
وتبعدوا قلبي عنها
دا فرحها فرحي
وجرحها جرحي
دي حتي لوني
وتشبه ملامحي
قتلوا حبيبتي
ياللي بتسألوني عنها
وعاوزين تعرفوا اسمها
حبيتي اسمها ساره
ساره كانت جوايا غاره
من المشاعر والحنيه
رغم انها برده ماتت
بس عايشه لسه فيا
لسه حبنا شئ غريب
كنا زي الهلال والصليب
ساره دي رمز الوطنيه
ساره هي القدس الحبيب
وهي القضيه الفلسطنيه
ساره هي بلدي العراق
معرفوش قيمتها زي سوريا
غير لما راحت وماتت
حسوا الجرح و وجع الفراق
حبيبتي ماتت
وكل حاجه حلوه راحت
وموج بحور الدمع هاجت
حبيبتي كانت
كانت فرح وكانت حزن
كانت غربه وكانت حضن
كانت الم ومعاه شجن
هي الارض وهي الوطن
كانت فرحه وسط الزمن
حبيبتي كانت
كانت من الجنان والهبل
بتضحك ضحكة راقاصات
ودمعتها تهز صخر الجبل
من بركان عذاب واهات
صوتها كان زي العسل
تسمعه نغم ابتهالات
حتي الحنين منها خجل
وطيبه اد سبع سموات
ساره حاله نادره فعلا
ساره هي رمز البنات
بس مات
واتقتل فيا الغرام
بعد ما نصبوا صوانها
اصدرت انا حكم الاعدام
علي كل من يوم فرقنا
انا عايش بس لاجل طارها
اصل محدش حبها قدي
ولا حس وجعها ومرارها
ولا دمع علي بطن يدي
سبيني للدنيا و نارها
وحلال عليكي الجنه انتي
ليست هناك تعليقات:
إرسال تعليق