افرمونا
.....
دوسوا تانى افرمونا
شعبنا ما بيختشبش
احنا خاف الموت يجينا
اصلنا بالموت نعيش!
ايه معاك فاضل يا حاوي؟
بين جرابك م البلاوى؟
لو صحيح ع الغلب ناوى
احنا سفلتنا الوشوش!!
........
هيا دى أحلام يناير
اللى مات الناس عشانها؟
تمسحوها م الضماير
تسحبوها من ودانها؟
لم عيشك م الزباله
و العداله ف النداله
حر لو ما تبقى عاله
ع الحكومه جل شانها!!
.......
جوع عشان يتغدى سيدك
هو ده معنى الرجوله!!
طول ما فيه نبض ف وربدك
تبقى دى كل البطوله!!
وحد السبع الل سابك
و الحياه بتدق بابك
لسه فيه صفحه ف كتابك
غيرنا مات بين الف غوله!!
........
عاطف عبد الحميد
ليست هناك تعليقات:
إرسال تعليق