عطر الوفا****بقلم الشاعر بسام الشامي

رشيت عطر الوفا
ع جنينتك مشتاق
توعى طيور الغفت
ونامت على زنودي
بلكي يحن الجفا
وتحلحلي الخناق
وافتح بواب تسكرت
ع مفارق دروبي
ويصير جنح الهوى
ياخد حكي عشاق
ويجيب خبار البنت
الكانت الي مخطوبة
وتعود ريح الصبا
ترمي عليكي طواق
من ياسمينةربت
ع طراف الجرودي
ويحل نبع الدفا
يدفي حلم العناق
وترحل غيمة انجلت
ويعود محبوبي
ــــــــــــــــــــ الشاعر بسام الشامي