عفريت******بقلم الشاعر محمد العربي

عفريت 
أنا العفريت و بحرى غويط 
و انا اللى عفرتت العفاريت 
أنا اللى بتمرجح عالمايَه 
و انا اللى بتشعبط عالحيط 
بطول الشمس دى بايدى
و اعبىَ الدنيا دى ف جيبى
و انزَل مايَه من رمشى
بتعشقنى القلوب سيدى
و بمشى و طبلتى ف ودنى
يدق القلب من حضنى
بخلَى البطه لو ماشيه
بترقص رقص يعجبنى
بكيفى تنشف الخضره
تجف المايه بالقدره
و عندى حمار و كام بقره
يغنو المانجه عالشجره
م انا العو اللى بيخوف
تشوفنى ف كل حاره و بيت
بتسمع اسمى بتولَع
أنا البعبع و انا العفريت
بقلمى \ محمد العربى