...بنوته...
☆☆☆☆☆☆☆
أصل الحكايه صغنتوته
بنوته عايشه مبسوطه
تجري وتلعب فرحانه
طفله ولسه كتكوته
احلامها فستان وفيونكه
فستان ولعبه وبسكوته
كل الحكايه احلام طفوله
تنطيط وجري وضحكه
طالعه من جوا بنوته....
شايف انا الحياه
فى عيونها ...
عصفوره حلوه ..
عايشه فى حاره مكبوته
تتمنى تخرج من حابسه
تجري وتلعب على رمله
وتضحك ضحكتها العاليه
انا لسه حلوه وسعيده
وترقص على دقة موجه
وتحضن صوت العصفوره
لكن ظروف الحياه صعبه
خنقه وزحمه وناس بارده
ممنوعة من انها تخرج ...
بره الحاره المزنوقه.
حواري وزقاق وخناقه
وشباب قويه كدا جامده
وعيون بتاكل بنوته
وهي تتمنى الفرحه
وخروجه بسيطه فى جنينه
وزرعه على شط بحيره
بس الظروف كدا دايما
مدمره احلام جميله
صغنتوته ....
بس الامل موجود فى الله
ولسه الحلم مولود من الاه
ولازم نحلم ياولداه
والحلم ايه غير حبه فرحه
مرسومه على وش البنوته
بنوته حلوه صغنتوته
ضحكتها سر الحدوته
ليست هناك تعليقات:
إرسال تعليق