هجرت حضن امى وجريت على الدنيا
قلت البراح اوسع واشوف قلوب تانيه
فكرت قلبى عليل وناقصه .. حنيه
اتارينى عندى كتير بس العلل ...... فيه
شفتك حلييوه وجدع
حليتلى فى .. عنيه
وكأن كل البشر خفيت .. حواااليه
انا قلبى اصلا ضعييييف وهش من جووه
اول ماعينك ندت رديت .... انا جااايه
ومشيت طريق ويااك
مش شايفه غير احزان
ملقيش غيرى هناااك
ولا لاقيه فيها جيرااان
عديت جسوور الوهم
والقسوه والحيره
ولقيتنى بين شطين
الشك والغيره
واخدت باردو يومين
قصه غرام وحنين
والسهره فى الشباك
على كلمتين حلوين
واقولك انتا ملاكى
وظهرتلى من فين
مش شايفه غيره خلاص
م الدنيا بنى ادمين
وتقولى قلبى فداكى
والسهرانين شاهدين
هعيش حياتى معاكى
انتى يانور العين
وسرحت بخيااالى
عديت بحور وجباااال
وحلمت بجنينه
وطريق مفروش رمااال
وبيت مقفول علينا
ماليينه بالعيااااال
غمضت عيونى ثانيه
وغرقنا فى الاحضان
ولقتنى فى دنيا تانيه
ومكان غير المكااان
بس الاحساس غريب
مش لاقيه فيه اماااان
ملياااااان .. انانيه
ومرايه الحب طلعت
عااااميه
وضااااحكه عليه ....
ليست هناك تعليقات:
إرسال تعليق