،،،،،،بتتذكري،،،،،
بتذكر لما كنت طيف ببالي
كيف كنت تضلي قبالي
دخلك شو يلي جرى وصار
تا صرت فيك دور ع حالي
سبحان يلي هزهز الازهار
سبحان يلي صاغ هالجوهر الغالي
ورسم على جبينك كوكب واقمار
تا غارو منك نجوم الليالي
كبرنا يا حلوتي وبعدو المشوار
وبعدو لاحقني صدا موالي
لما قلك يلا قولي تعا سهار
وتقولي عم ادعي كون لحالي
ايه لا تقولي كبرنا بعدنا زغار
بعد ما لوحو عناقيد الدوالي
وبعدها العابنا منعوفه بالدار
وبعدني انا عم دور فيكي على حالي،،،،،علي ناصر،،،
ليست هناك تعليقات:
إرسال تعليق